01 — Innhaldsproduksjon
Foto · film · reels · tekst · kampanjeinnhald
Godt innhald handlar om meir enn fine bilete. Det skal fortelje noko, vekkje ei kjensle og få mottakaren til å stoppe opp.
Eg produserer profesjonelt foto, film og tekst til nettsider, kampanjar, annonsering og sosiale medium. Produksjonen blir tilpassa kanalane innhaldet skal leve i, slik at de får materiale som kan brukast på tvers av fleire flater og over tid.
Oppdraget kan vere alt frå ein enkelt produksjonsdag til ein komplett innhaldsbank med foto, korte filmar, reels og tekst – klar til bruk.
Passar for: merkevarer, hotell, reiselivsaktørar, bedrifter og organisasjonar som treng nytt og profesjonelt innhald.
02 — Sosiale medium & strategi
Strategi · innhaldsplan · produksjon · publisering · drift
Sosiale medium krev meir enn å vere synleg. Skal ein byggje ei sterk merkevare over tid, må innhaldet ha ein tydeleg retning, ei gjenkjenneleg stemme og historier menneske faktisk ønskjer å følgje.
Eg kan hjelpe med heile eller delar av arbeidet – frå strategi, målgrupper og innhaldsplan til produksjon, tekst, publisering og løpande drift av kanalane.
Målet er ikkje berre fleire innlegg, men å skape ein digital identitet som byggjer kjennskap, engasjement og relasjonar over tid.
Passar for: bedrifter og merkevarer som ønskjer ein profesjonell og langsiktig tilnærming til Instagram, Facebook og andre digitale kanalar.
03 — Reiseliv & destinasjonar
Hotell · destinasjonar · opplevingar · natur · reiseinnhald
Dette er eit område som ligg ekstra nær hjartet mitt.
Eg jobbar med hotell, destinasjonar og opplevingsaktørar for å skape innhald som ikkje berre viser korleis ein stad ser ut, men formidlar korleis det kjennest å vere der.
Gjennom foto, film og historieforteljing fangar eg menneska, naturen, detaljane, maten og opplevingane som til saman skaper reiselyst. Innhaldet kan produserast til eigne kanalar, kampanjar og nettsider – eller kombinerast med publisering i mine eigne sosiale medium.
Eg kan også reise inn til ein destinasjon og produsere ein større innhaldsbank over fleire dagar, slik at de sit igjen med materiale for ein heil sesong eller kampanje.
Passar for: hotell, lodgar, destinasjonsselskap, aktivitetstilbydarar og andre som sel opplevingar.
04 — Ambassadør- og influensarsamarbeid
Reels · foto · stories · kampanjar · langsiktige samarbeid
Gjennom mine eigne kanalar deler eg reiser, natur, opplevingar og produkt som passar naturleg inn i universet mitt.
Eg samarbeider med utvalde merkevarer der eg meiner det finst ei truverdig kopling mellom produktet, historia og publikumet mitt. Samarbeidet kan vere ein enkelt kampanje eller eit langsiktig ambassadørskap, gjerne kombinert med profesjonell innhaldsproduksjon som merkevara sjølv kan bruke.
For meg er dei beste kommersielle samarbeida dei som framleis kjennest som godt innhald.
05 — Artiklar & storytelling
Reiseartiklar · contentartiklar · intervju · tekst & foto
Nokre historier treng meir plass enn ein reel eller ein caption.
Eg skriv artiklar og redaksjonelt inspirert innhald der tekst og fotografi får jobbe saman. Det kan vere reiseguidar, destinasjonshistorier, intervju, contentartiklar eller historier om menneska bak ei bedrift eller ein stad.
Innhaldet kan produserast for nettsider, magasin, kampanjar eller andre digitale flater.
06 — Workshops & foredrag
Sosiale medium · innhaldsproduksjon · foto · storytelling
Eg held workshops og foredrag for bedrifter og organisasjonar som ønskjer å bli betre på å skape og kommunisere eige innhald.
Innhaldet blir tilpassa deltakarane og kan mellom anna handle om strategi for sosiale medium, visuell identitet, storytelling, mobilfoto og video, innhaldsplanlegging og korleis ein skaper godt innhald med ressursane ein allereie har.
Treng de noko som ikkje passar heilt inn i ei boks?
Mange av oppdraga mine startar nettopp der.
Eg set gjerne saman skreddarsydde løysingar der vi kombinerer strategi, foto, film, tekst, publisering eller formidling ut frå kva de faktisk treng.
Har de ein idé, ein destinasjon eller ei historie de ønskjer å løfte?